FATYR SÜRESI
Ayet Sayısı 45
بِسْــــــــــــــــــــــمِ اﷲِارَّحْمَنِ ارَّحِيم
ٱلْحَمْدُ لِلَّهِ فَاطِرِ ٱلسَّمَٰوَٰتِ وَٱلْأَرْضِ جَاعِلِ ٱلْمَلَٰٓئِكَةِ رُسُلًا أُوْلِىٓ أَجْنِحَةٍ مَّثْنَىٰ وَثُلَٰثَ وَرُبَٰعَۚ يَزِيدُ فِى ٱلْخَلْقِ مَا يَشَآءُۚ إِنَّ ٱللَّهَ عَلَىٰ كُلِّ شَىْءٍ قَدِيرٌ ﴿١﴾ مَّا يَفْتَحِ ٱللَّهُ لِلنَّاسِ مِن رَّحْمَةٍ فَلَا مُمْسِكَ لَهَاۖ وَمَا يُمْسِكْ فَلَا مُرْسِلَ لَهُۥ مِنۢ بَعْدِهِۦۚ وَهُوَ ٱلْعَزِيزُ ٱلْحَكِيمُ ﴿٢﴾ يَٰٓأَيُّهَا ٱلنَّاسُ ٱذْكُرُواْ نِعْمَتَ ٱللَّهِ عَلَيْكُمْۚ هَلْ مِنْ خَٰلِقٍ غَيْرُ ٱللَّهِ يَرْزُقُكُم مِّنَ ٱلسَّمَآءِ وَٱلْأَرْضِۚ لَآ إِلَٰهَ إِلَّا هُوَۖ فَأَنَّىٰ تُؤْفَكُونَ ﴿٣﴾ وَإِن يُكَذِّبُوكَ فَقَدْ كُذِّبَتْ رُسُلٌ مِّن قَبْلِكَۚ وَإِلَى ٱللَّهِ تُرْجَعُ ٱلْأُمُورُ ﴿٤﴾ يَٰٓأَيُّهَا ٱلنَّاسُ إِنَّ وَعْدَ ٱللَّهِ حَقٌّۖ فَلَا تَغُرَّنَّكُمُ ٱلْحَيَوٰةُ ٱلدُّنْيَاۖ وَلَا يَغُرَّنَّكُم بِٱللَّهِ ٱلْغَرُورُ ﴿٥﴾ إِنَّ ٱلشَّيْطَٰنَ لَكُمْ عَدُوٌّ فَٱتَّخِذُوهُ عَدُوًّاۚ إِنَّمَا يَدْعُواْ حِزْبَهُۥ لِيَكُونُواْ مِنْ أَصْحَٰبِ ٱلسَّعِيرِ ﴿٦﴾ ٱلَّذِينَ كَفَرُواْ لَهُمْ عَذَابٌ شَدِيدٌۖ وَٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُم مَّغْفِرَةٌ وَأَجْرٌ كَبِيرٌ ﴿٧﴾ أَفَمَن زُيِّنَ لَهُۥ سُوٓءُ عَمَلِهِۦ فَرَءَاهُ حَسَنًاۖ فَإِنَّ ٱللَّهَ يُضِلُّ مَن يَشَآءُ وَيَهْدِى مَن يَشَآءُۖ فَلَا تَذْهَبْ نَفْسُكَ عَلَيْهِمْ حَسَرَٰتٍۚ إِنَّ ٱللَّهَ عَلِيمٌۢ بِمَا يَصْنَعُونَ ﴿٨﴾ وَٱللَّهُ ٱلَّذِىٓ أَرْسَلَ ٱلرِّيَٰحَ فَتُثِيرُ سَحَابًا فَسُقْنَٰهُ إِلَىٰ بَلَدٍ مَّيِّتٍ فَأَحْيَيْنَا بِهِ ٱلْأَرْضَ بَعْدَ مَوْتِهَاۚ كَذَٰلِكَ ٱلنُّشُورُ ﴿٩﴾ مَن كَانَ يُرِيدُ ٱلْعِزَّةَ فَلِلَّهِ ٱلْعِزَّةُ جَمِيعًاۚ إِلَيْهِ يَصْعَدُ ٱلْكَلِمُ ٱلطَّيِّبُ وَٱلْعَمَلُ ٱلصَّٰلِحُ يَرْفَعُهُۥۚ وَٱلَّذِينَ يَمْكُرُونَ ٱلسَّيِّـَٔاتِ لَهُمْ عَذَابٌ شَدِيدٌۖ وَمَكْرُ أُوْلَٰٓئِكَ هُوَ يَبُورُ ﴿١٠﴾ وَٱللَّهُ خَلَقَكُم مِّن تُرَابٍ ثُمَّ مِن نُّطْفَةٍ ثُمَّ جَعَلَكُمْ أَزْوَٰجًاۚ وَمَا تَحْمِلُ مِنْ أُنثَىٰ وَلَا تَضَعُ إِلَّا بِعِلْمِهِۦۚ وَمَا يُعَمَّرُ مِن مُّعَمَّرٍ وَلَا يُنقَصُ مِنْ عُمُرِهِۦٓ إِلَّا فِى كِتَٰبٍۚ إِنَّ ذَٰلِكَ عَلَى ٱللَّهِ يَسِيرٌ ﴿١١﴾ وَمَا يَسْتَوِى ٱلْبَحْرَانِ هَٰذَا عَذْبٌ فُرَاتٌ سَآئِغٌ شَرَابُهُۥ وَهَٰذَا مِلْحٌ أُجَاجٌۖ وَمِن كُلٍّ تَأْكُلُونَ لَحْمًا طَرِيًّا وَتَسْتَخْرِجُونَ حِلْيَةً تَلْبَسُونَهَاۖ وَتَرَى ٱلْفُلْكَ فِيهِ مَوَاخِرَ لِتَبْتَغُواْ مِن فَضْلِهِۦ وَلَعَلَّكُمْ تَشْكُرُونَ ﴿١٢﴾ يُولِجُ ٱلَّيْلَ فِى ٱلنَّهَارِ وَيُولِجُ ٱلنَّهَارَ فِى ٱلَّيْلِ وَسَخَّرَ ٱلشَّمْسَ وَٱلْقَمَرَ كُلٌّ يَجْرِى لِأَجَلٍ مُّسَمًّىۚ ذَٰلِكُمُ ٱللَّهُ رَبُّكُمْ لَهُ ٱلْمُلْكُۚ وَٱلَّذِينَ تَدْعُونَ مِن دُونِهِۦ مَا يَمْلِكُونَ مِن قِطْمِيرٍ ﴿١٣﴾ إِن تَدْعُوهُمْ لَا يَسْمَعُواْ دُعَآءَكُمْ وَلَوْ سَمِعُواْ مَا ٱسْتَجَابُواْ لَكُمْۖ وَيَوْمَ ٱلْقِيَٰمَةِ يَكْفُرُونَ بِشِرْكِكُمْۚ وَلَا يُنَبِّئُكَ مِثْلُ خَبِيرٍ ﴿١٤﴾ يَٰٓأَيُّهَا ٱلنَّاسُ أَنتُمُ ٱلْفُقَرَآءُ إِلَى ٱللَّهِۖ وَٱللَّهُ هُوَ ٱلْغَنِىُّ ٱلْحَمِيدُ ﴿١٥﴾ إِن يَشَأْ يُذْهِبْكُمْ وَيَأْتِ بِخَلْقٍ جَدِيدٍ ﴿١٦﴾ وَمَا ذَٰلِكَ عَلَى ٱللَّهِ بِعَزِيزٍ ﴿١٧﴾ وَلَا تَزِرُ وَازِرَةٌ وِزْرَ أُخْرَىٰۚ وَإِن تَدْعُ مُثْقَلَةٌ إِلَىٰ حِمْلِهَا لَا يُحْمَلْ مِنْهُ شَىْءٌ وَلَوْ كَانَ ذَا قُرْبَىٰٓۗ إِنَّمَا تُنذِرُ ٱلَّذِينَ يَخْشَوْنَ رَبَّهُم بِٱلْغَيْبِ وَأَقَامُواْ ٱلصَّلَوٰةَۚ وَمَن تَزَكَّىٰ فَإِنَّمَا يَتَزَكَّىٰ لِنَفْسِهِۦۚ وَإِلَى ٱللَّهِ ٱلْمَصِيرُ ﴿١٨﴾ وَمَا يَسْتَوِى ٱلْأَعْمَىٰ وَٱلْبَصِيرُ ﴿١٩﴾ وَلَا ٱلظُّلُمَٰتُ وَلَا ٱلنُّورُ ﴿٢٠﴾ وَلَا ٱلظِّلُّ وَلَا ٱلْحَرُورُ ﴿٢١﴾ وَمَا يَسْتَوِى ٱلْأَحْيَآءُ وَلَا ٱلْأَمْوَٰتُۚ إِنَّ ٱللَّهَ يُسْمِعُ مَن يَشَآءُۖ وَمَآ أَنتَ بِمُسْمِعٍ مَّن فِى ٱلْقُبُورِ ﴿٢٢﴾ إِنْ أَنتَ إِلَّا نَذِيرٌ ﴿٢٣﴾ إِنَّآ أَرْسَلْنَٰكَ بِٱلْحَقِّ بَشِيرًا وَنَذِيرًاۚ وَإِن مِّنْ أُمَّةٍ إِلَّا خَلَا فِيهَا نَذِيرٌ ﴿٢٤﴾ وَإِن يُكَذِّبُوكَ فَقَدْ كَذَّبَ ٱلَّذِينَ مِن قَبْلِهِمْ جَآءَتْهُمْ رُسُلُهُم بِٱلْبَيِّنَٰتِ وَبِٱلزُّبُرِ وَبِٱلْكِتَٰبِ ٱلْمُنِيرِ ﴿٢٥﴾ ثُمَّ أَخَذْتُ ٱلَّذِينَ كَفَرُواْۖ فَكَيْفَ كَانَ نَكِيرِ ﴿٢٦﴾ أَلَمْ تَرَ أَنَّ ٱللَّهَ أَنزَلَ مِنَ ٱلسَّمَآءِ مَآءً فَأَخْرَجْنَا بِهِۦ ثَمَرَٰتٍ مُّخْتَلِفًا أَلْوَٰنُهَاۚ وَمِنَ ٱلْجِبَالِ جُدَدٌۢ بِيضٌ وَحُمْرٌ مُّخْتَلِفٌ أَلْوَٰنُهَا وَغَرَابِيبُ سُودٌ ﴿٢٧﴾ وَمِنَ ٱلنَّاسِ وَٱلدَّوَآبِّ وَٱلْأَنْعَٰمِ مُخْتَلِفٌ أَلْوَٰنُهُۥ كَذَٰلِكَۗ إِنَّمَا يَخْشَى ٱللَّهَ مِنْ عِبَادِهِ ٱلْعُلَمَٰٓؤُاْۗ إِنَّ ٱللَّهَ عَزِيزٌ غَفُورٌ ﴿٢٨﴾ إِنَّ ٱلَّذِينَ يَتْلُونَ كِتَٰبَ ٱللَّهِ وَأَقَامُواْ ٱلصَّلَوٰةَ وَأَنفَقُواْ مِمَّا رَزَقْنَٰهُمْ سِرًّا وَعَلَانِيَةً يَرْجُونَ تِجَٰرَةً لَّن تَبُورَ ﴿٢٩﴾ لِيُوَفِّيَهُمْ أُجُورَهُمْ وَيَزِيدَهُم مِّن فَضْلِهِۦٓۚ إِنَّهُۥ غَفُورٌ شَكُورٌ ﴿٣٠﴾ وَٱلَّذِىٓ أَوْحَيْنَآ إِلَيْكَ مِنَ ٱلْكِتَٰبِ هُوَ ٱلْحَقُّ مُصَدِّقًا لِّمَا بَيْنَ يَدَيْهِۗ إِنَّ ٱللَّهَ بِعِبَادِهِۦ لَخَبِيرٌۢ بَصِيرٌ ﴿٣١﴾ ثُمَّ أَوْرَثْنَا ٱلْكِتَٰبَ ٱلَّذِينَ ٱصْطَفَيْنَا مِنْ عِبَادِنَاۖ فَمِنْهُمْ ظَالِمٌ لِّنَفْسِهِۦ وَمِنْهُم مُّقْتَصِدٌ وَمِنْهُمْ سَابِقٌۢ بِٱلْخَيْرَٰتِ بِإِذْنِ ٱللَّهِۚ ذَٰلِكَ هُوَ ٱلْفَضْلُ ٱلْكَبِيرُ ﴿٣٢﴾ جَنَّٰتُ عَدْنٍ يَدْخُلُونَهَا يُحَلَّوْنَ فِيهَا مِنْ أَسَاوِرَ مِن ذَهَبٍ وَلُؤْلُؤًاۖ وَلِبَاسُهُمْ فِيهَا حَرِيرٌ ﴿٣٣﴾ وَقَالُواْ ٱلْحَمْدُ لِلَّهِ ٱلَّذِىٓ أَذْهَبَ عَنَّا ٱلْحَزَنَۖ إِنَّ رَبَّنَا لَغَفُورٌ شَكُورٌ ﴿٣٤﴾ ٱلَّذِىٓ أَحَلَّنَا دَارَ ٱلْمُقَامَةِ مِن فَضْلِهِۦ لَا يَمَسُّنَا فِيهَا نَصَبٌ وَلَا يَمَسُّنَا فِيهَا لُغُوبٌ ﴿٣٥﴾ وَٱلَّذِينَ كَفَرُواْ لَهُمْ نَارُ جَهَنَّمَ لَا يُقْضَىٰ عَلَيْهِمْ فَيَمُوتُواْ وَلَا يُخَفَّفُ عَنْهُم مِّنْ عَذَابِهَاۚ كَذَٰلِكَ نَجْزِى كُلَّ كَفُورٍ ﴿٣٦﴾ وَهُمْ يَصْطَرِخُونَ فِيهَا رَبَّنَآ أَخْرِجْنَا نَعْمَلْ صَٰلِحًا غَيْرَ ٱلَّذِى كُنَّا نَعْمَلُۚ أَوَلَمْ نُعَمِّرْكُم مَّا يَتَذَكَّرُ فِيهِ مَن تَذَكَّرَ وَجَآءَكُمُ ٱلنَّذِيرُۖ فَذُوقُواْ فَمَا لِلظَّٰلِمِينَ مِن نَّصِيرٍ ﴿٣٧﴾ إِنَّ ٱللَّهَ عَٰلِمُ غَيْبِ ٱلسَّمَٰوَٰتِ وَٱلْأَرْضِۚ إِنَّهُۥ عَلِيمٌۢ بِذَاتِ ٱلصُّدُورِ ﴿٣٨﴾ هُوَ ٱلَّذِى جَعَلَكُمْ خَلَٰٓئِفَ فِى ٱلْأَرْضِۚ فَمَن كَفَرَ فَعَلَيْهِ كُفْرُهُۥۖ وَلَا يَزِيدُ ٱلْكَٰفِرِينَ كُفْرُهُمْ عِندَ رَبِّهِمْ إِلَّا مَقْتًاۖ وَلَا يَزِيدُ ٱلْكَٰفِرِينَ كُفْرُهُمْ إِلَّا خَسَارًا ﴿٣٩﴾ قُلْ أَرَءَيْتُمْ شُرَكَآءَكُمُ ٱلَّذِينَ تَدْعُونَ مِن دُونِ ٱللَّهِ أَرُونِى مَاذَا خَلَقُواْ مِنَ ٱلْأَرْضِ أَمْ لَهُمْ شِرْكٌ فِى ٱلسَّمَٰوَٰتِ أَمْ ءَاتَيْنَٰهُمْ كِتَٰبًا فَهُمْ عَلَىٰ بَيِّنَتٍ مِّنْهُۚ بَلْ إِن يَعِدُ ٱلظَّٰلِمُونَ بَعْضُهُم بَعْضًا إِلَّا غُرُورًا ﴿٤٠﴾ إِنَّ ٱللَّهَ يُمْسِكُ ٱلسَّمَٰوَٰتِ وَٱلْأَرْضَ أَن تَزُولَاۚ وَلَئِن زَالَتَآ إِنْ أَمْسَكَهُمَا مِنْ أَحَدٍ مِّنۢ بَعْدِهِۦٓۚ إِنَّهُۥ كَانَ حَلِيمًا غَفُورًا ﴿٤١﴾ وَأَقْسَمُواْ بِٱللَّهِ جَهْدَ أَيْمَٰنِهِمْ لَئِن جَآءَهُمْ نَذِيرٌ لَّيَكُونُنَّ أَهْدَىٰ مِنْ إِحْدَى ٱلْأُمَمِۖ فَلَمَّا جَآءَهُمْ نَذِيرٌ مَّا زَادَهُمْ إِلَّا نُفُورًا ﴿٤٢﴾ ٱسْتِكْبَارًا فِى ٱلْأَرْضِ وَمَكْرَ ٱلسَّيِّئِۚ وَلَا يَحِيقُ ٱلْمَكْرُ ٱلسَّيِّئُ إِلَّا بِأَهْلِهِۦۚ فَهَلْ يَنظُرُونَ إِلَّا سُنَّتَ ٱلْأَوَّلِينَۚ فَلَن تَجِدَ لِسُنَّتِ ٱللَّهِ تَبْدِيلًاۖ وَلَن تَجِدَ لِسُنَّتِ ٱللَّهِ تَحْوِيلًا ﴿٤٣﴾ أَوَلَمْ يَسِيرُواْ فِى ٱلْأَرْضِ فَيَنظُرُواْ كَيْفَ كَانَ عَٰقِبَةُ ٱلَّذِينَ مِن قَبْلِهِمْ وَكَانُوٓاْ أَشَدَّ مِنْهُمْ قُوَّةًۚ وَمَا كَانَ ٱللَّهُ لِيُعْجِزَهُۥ مِن شَىْءٍ فِى ٱلسَّمَٰوَٰتِ وَلَا فِى ٱلْأَرْضِۚ إِنَّهُۥ كَانَ عَلِيمًا قَدِيرًا ﴿٤٤﴾ وَلَوْ يُؤَاخِذُ ٱللَّهُ ٱلنَّاسَ بِمَا كَسَبُواْ مَا تَرَكَ عَلَىٰ ظَهْرِهَا مِن دَآبَّةٍ وَلَٰكِن يُؤَخِّرُهُمْ إِلَىٰٓ أَجَلٍ مُّسَمًّىۖ فَإِذَا جَآءَ أَجَلُهُمْ فَإِنَّ ٱللَّهَ كَانَ بِعِبَادِهِۦ بَصِيرًۢا ﴿٤٥﴾ [سُورَةُ فَاطِرٍ :: ١-٤٥]
Rahman we Rahym bolan Allahyñ ady bilen
1. Hamd, gökleri we ýeri ýaradan, perişdeleri iki, üç, dört ganatly ilçiler kylan Allaha mahsusdyr. Ol ýaradanyny isläniçe artdyrar. Şübhesiz Allahyň güýji her zada hakykaty bilen ýeter. 2. Allah ynsanlar üçin rehimdarlyk etse, artyk oňa böwet bolup saklap biljek hiç zat ýokdyr. Nämäni saklasa, mundan soňra ony göýberip biljegem ýokdyr. Ol, hökmany güýjüň eýesidir, höküm we dana-paýhaslygyň eýesidir. 3. Eý ynsanlar! Allahyň size beren nygmatyny ýatlaň! Allahdan başga size göklerden we ýerden rysgal beren bir ýaradyjy barmy? Ondan başga hiç bir ylah ýokdyr. Onda nädip hakdan dändirilýärsiňiz? 4. Eý Muhammed! Eger-de seni ýalançy saýýan bolsalar, şuny berk belle! Senden ozalam ençeme pygamberler ýalançy saýylandyr. Ähli işler diňe Allaha dolanyp bardyrlar. 5. Eý ynsanlar! Şübhesiz Allahyň wadasy hakdyr. Dünýä durmuşy sizi aldadaýmasyn! Gaty mekir Şeýtan, Allah hakynda sizi aldadaýmasyn! 6. Şübhesiz şeýtan siziň üçin bir duşmandyr. Şeýle bolsa (sizem) ony duşman belläň! Ol, öz janköýerlerini diňe alowly ataşa girjeklerden bolmaga çagyrar. 7. Iňkär edenler üçin gazaply bir azap bardyr. Iman edip salyh amallar edýänler üçin bolsa bagyşlanmak we uly sylag bardyr. 8. Erbet amaly özüne bezegli görkezilip, ony gowy gören ynsan, amaly gowy bolan ynsan bilen deň bolarmy? Şübhesiz Allah, islänini azdyrar, islänini hem hak ýoluna salar. Eý Muhammed! Olar üçin duýýan gynanjyň sebäpli özüňi heläk etme! Şübhesiz Allah olaryň edenlerini hakykaty bilen bilendir. 9. Allah, şemallary göýberendir. Olar hem bulutlary hereket etdirer. Bizem bulutlary öli bir topraga süreris we onuň bilenem ölüminden soňra ýer-ýüzüni direlderis. Ynha ölümden soňky direlmegem şeýledir. 10. Her kim şan we mertebe isleýän bolsa, şuny berk bellesin! Şan we mertebe bütinligine Allaha mahsusdyr. Gowy sözler diňe oňa galar (beýgeler). Salyh amaly bolsa gowy sözler beýgelder. Ýamanlyklardan duzak guranlar bara, olar üçin gaty gazaply bir azap bardyr. Ynha olaryň duzagy boşa çykar. 11. Allah sizi ozaly bilen toprakdan, soňra-da azajyk bir suwdan ýaratdy. Soňra sizi (erkekli urkaçyly) ýan-ýoldaşly kyldy. Allahyň ylmy bolman hiç bir urkaçy göwreläm bolmaz, dogurmazam. Ýazylmazdan hiç kimiň ömri uzadylmaz ýa-da gysgaldylmaz. Bu bir kitapda lewhi mahfuzdadyr (başdan ahyra ýazylan ýerde ýazylgydyr). Şübhesiz bu Allaha aňsatdyr. 12. Iki deňiz deň bolmaz. Şu süýjidir, suwsuzlygy gandyrar: içilmesi aňsatdyr. Şu bolsa duzlydyr, ajydyr. Şunuň bilen bilelikde her haýsyndan täze et iýersiňiz we dakynara şaý-sep çykararsyňyz. Allahyň eçileninden islemegiňiz we şükür etmegiňiz üçin gämileriň suwy ýaryp gidenini görersiň. 13. Allah gijäni gündiziň içine salar, gündizi bolsa gijäniň içine salar. Güneşi we aýy hem goýan kanunlaryna boýun egdirendir. Her biri belli wagta çenli hereket eder. Ynha bu Allahdyr, Rabbyňyzdyr. Mülk diňe onuňkydyr. Allahy goýup, ybadat edenleriňiz, ýekeje çigidiň ýuka gabygynada höküm edip bilmezler. 14. Eger-de olary çagyrsaňyz, çagyranyňyzy eşitmezler. Eşitseler hem çakylygyňyza jogap berip gelmezler. Kyýamat güni hem siziň şärik goşandygyňyzy iňkär ederler. Bulary saňa hiç kim hakykaty bilen habarly bolan Allah ýaly habar berip bilmez. 15. Eý ynsanlar! Siz Allaha mätaçsiňiz! Allah bolsa hemme taraplaýyn çäksiz baýdyr, öwülmäne hakykaty bilen laýykdyr. 16. Eger Allah islese sizi ýok eder we siziň ýeriňize başga bir halky ýaradar. 17. Bu bolsa Allah üçin kyn däldir. 18. Hiç bir günäkär başga biriniň günäsini götermez. Günäsi agyr bolan adam, bir başgasynyň günälerini götermäge çagyrsa, çagyranyň howandary hem bolsa ondan hiç zat götermez. Sen diňe görmeseler hem Rablaryndan çyn ýürekden gorkanlary we namaz kylanlara duýdurarsyň. Kim tämiz bolsa diňe özi üçin tämizlener. Dolanyp baryljak ýer diňe Allahadyr. 19. Kör bilen gören bir bolmaz. 20. Garaňky bilen ýagtylyk bir bolmaz. 21.Kölege (saýa) bilen güneşli ýer bir bolmaz.22. Diriler bilen ölülerem bir bolmaz. Allah islänine eşitdirer. Sen gabyrdakylara eşitdirip bilmersiň. 23. Sen diňe duýdurýançysyň. 24. Şübhesiz biz seni buşlukçy we duýdurýançy hökmünde hak bilen göýberdik. Aralaryna duýdurýançy göýberilmedik hiç bir ymmat ýokdyr. 25. Eý Muhammed! Eger-de saňa ýalançy diýýän bolsalar şuny bil, olardan ozalkylar hem pygamberlerini ýalanladylar. Eýsem pygamberleri olara aç-açan delilleri, sahypalary we ýol görkeziji kitaby getiripdi. 26. Soňra men iňkär edenleri tutdym. Meni iňkär etmegiň netijesi nähili boldy. 27. Göreňokmy Allah gökden suw indirdi. Biz onuň bilen dürli-dürli önümleri çykardyk. Daglardan hem ak, gyzyl (biri-birinden tapawutly) dürli reňklerde ýollar (gatlaklar) bar, gap-gara daşlar hem bar. 28. Ynsanlardan we ýer ýüzünde hereket eden beýleki janly-jandarlardan we haýwanlardan ýene-de şeýle dürli reňklerde bolanlary bardyr. Allaha garşy diňe gullaryndan alym bolanlar çuňňur sarpa goýarlar. Şübhesiz Allah hökmany güýjüň eýesidir, köp bagyşlaýandyr. 29. Şübhesiz Allahyň kitabyny okaýanlar, namazy kylanlar we özlerine rysgal hökmünde beren zatlarymyzdan gizlin ýa-da aç-açan Allahyň ýolunda harç edenler, hiç-haçan zyýana goýmajak bir söwdany umyt edip biler. 30. Allah özlerine sylaglaryny doly bersin we öz eçilenini hasam artdyrsyn diýip beýle ederler. Şübhesiz ol köp bagyşlaýandyr we şükür etmegiň garşylygyny berendir. 31. Eý Muhammed! Saňa wahyý bilen berilen kitap (Gurhan) özünden ozalkyny tassyklan hak kitapdyr. Şübhesiz Allah gullaryndan hakykaty bilen habarlydyr. Olary hakykaty bilen görer. 32. Soňra biz ol kitaby gullarymyzdan saýlanlarymyza (Muhammediň ymmatyna) miras hökmünde berdik. Olardan özüne zalymlyk edenler bardyr. Olardan ortada galanlar hem bardyr. Ýene olardan Allahyň rugsady bilen haýyr işinde ozanlar hem bardyr. Ynha bu uly eçilmeklikdir. 33. Olar Adn jennetlerine girerler. Şol ýerde altyn bilezikler we dürdäneler bilen bezenerler. Şol ýerdäki lybaslary hem ýüpekdendir. 34. Şeýle diýerler: “Hamd, bizden gam- gussany gideren Allaha mahsusdyr. Şübhesiz Rabbymyz köp bagyşlaýandyr we şükür etmegiň garşylygyny berendir.” 35. “Ol eçilmegi bilen bizi ýaşajak ýerimize ýerleşdirendir. Bize şol ýerde bir ýadowlyk hem bolmaz. Bize şol ýerde irmeklik (irginlik) hem gelmez.” 36. Iňkär edenler üçin bolsa, jähennem ataşy bardyr. Ölmek islärler, öldürülmezler. Özlerinden jähennem azaby hem ýeňledilmez. Ynha biz her gadyr bilmezi şeýdip jezalandyrarys. 37. Olar jähennemde, “Eý Rabbymyz! Bizi bärden çykar-da, dünýädekäk edenlerimizden başga amallar, salyh amallar edeliň.” Diýip gygyrşarlar. (Olara şeýle diýiler:) “Sizi, oýlanyp öwüt-nesihat aljak ynsanyň wagtyça pikirlenip öwüt-nesihat alarça ýaşatmadykmy? Size duýdurýançy hem gelipdi. Şeýle bolsa çekiň azaby. Sebäbi zalymlar üçin hiç bir ýardamçy ýokdyr. 38. Şübhesiz Allah gökleriň we ýeriň gaýybyny bilendir. Şübhesiz ol, göwüsleriň içindäkini (kalplarda bolany) hakykaty bilen bilendir. 39. Ol, sizi ýer-ýüzünde hökümdary kylandyr. Artyk kim iňkär etse, iňkäri özüne garşydyr. Iňkärjileriň iňkäri, Rablary gatynda diňe sezewar boljak gazabyny artdyrar. Iňkärjileriň iňkäri, diňe zyýanlaryny artdyrar. 40. Şeýle diý: “Allahy goýup, çokunan şärikleriňizi gördüňizmi? Görkeziň maňa, olar ýerden nämäni ýaradypdyrlar?” Ýogsa-da olaryň göklerde bir şäriklikleri barmy? Ýogsa-da özlerine bir kitap berdikde, şol kitapdan aç-açan bir delile eýemi bolýarlar? Ýok, zalymlar biri-birini aldatmakdan başga hiç bir zady wada bermezler. 41. Şübhesiz Allah, gökleri we ýeri, ýok bolup gitmesinler diýip (ýaradan tertibinde) saklaýar. Kasam bolsun! Eger-de olar ýörelgelerinden, ýerinden çyksalar, ondan başga hiç kim olary saklap bilmez. Şübhesiz ol halimdir, (derrew jezasyny bermez, möhlet berer) we köp bagyşlaýandyr. 42. Müşrikler, eger-de özlerine bir duýdurýançy barsa, ymmatlaryndan haýsydyr birinden has köp dogry ýolda boljakdyklary hakda iň berk şekilde Allaha kasam edipdiler. Emma olara bir duýdurýançy baranda, bu diňe olaryn ýigrençlerini artyrdy. 43. Ýer-ýüzünde tekepbirlik toslamak we erbet duzak gurmak üçin beýle edýärdiler. Eýsem erbet duzak diňe eýesini düşürer. Olar diňe ozalkylara ýerine ýetirilen (edilen) kanuna garaşýarlar. Sen Allahyň kanunynda hiç bir üýtgeşiklik tapmarsyň. Sen Allahyň kanunynda hiç bir tapawutlyk tapmarsyň. 44. Ýer-ýüzünde aýlanyp özlerinden ozalkylaryň soňunyň nähili bolandygyny görmedilermi? Eýsem olar özlerinden hasam kuwwatlydylar. Göklerde we ýerde Allahy ejiz goýup biljek hiç bir zat ýokdyr. Şübhesiz ol, hakykaty bilen bilendir, hakykaty bilen gudratyň eýesidir. 45. Eger-de Allah ynsanlary gazananlary sebäpli derrew jezalandyrjak bolsady, ýer şarynyn üstünde hiç-bir janlyny goýmazdy. Olara belli bir wagta çenli möhlet berýär. Ahyry wagtlary gelende, etmelisini eder. Sebäbi Allah, gullaryny hakykaty bilen görer.