NUR SÜRESI
Ayet Sayısı 64
بِسْــــــــــــــــــــــمِ اﷲِارَّحْمَنِ ارَّحِيم
سُورَةٌ أَنزَلْنَٰهَا وَفَرَضْنَٰهَا وَأَنزَلْنَا فِيهَآ ءَايَٰتٍۭ بَيِّنَٰتٍ لَّعَلَّكُمْ تَذَكَّرُونَ ﴿١﴾ ٱلزَّانِيَةُ وَٱلزَّانِى فَٱجْلِدُواْ كُلَّ وَٰحِدٍ مِّنْهُمَا مِاْئَةَ جَلْدَةٍۖ وَلَا تَأْخُذْكُم بِهِمَا رَأْفَةٌ فِى دِينِ ٱللَّهِ إِن كُنتُمْ تُؤْمِنُونَ بِٱللَّهِ وَٱلْيَوْمِ ٱلْءَاخِرِۖ وَلْيَشْهَدْ عَذَابَهُمَا طَآئِفَةٌ مِّنَ ٱلْمُؤْمِنِينَ ﴿٢﴾ ٱلزَّانِى لَا يَنكِحُ إِلَّا زَانِيَةً أَوْ مُشْرِكَةً وَٱلزَّانِيَةُ لَا يَنكِحُهَآ إِلَّا زَانٍ أَوْ مُشْرِكٌۚ وَحُرِّمَ ذَٰلِكَ عَلَى ٱلْمُؤْمِنِينَ ﴿٣﴾ وَٱلَّذِينَ يَرْمُونَ ٱلْمُحْصَنَٰتِ ثُمَّ لَمْ يَأْتُواْ بِأَرْبَعَةِ شُهَدَآءَ فَٱجْلِدُوهُمْ ثَمَٰنِينَ جَلْدَةً وَلَا تَقْبَلُواْ لَهُمْ شَهَٰدَةً أَبَدًاۚ وَأُوْلَٰٓئِكَ هُمُ ٱلْفَٰسِقُونَ ﴿٤﴾ إِلَّا ٱلَّذِينَ تَابُواْ مِنۢ بَعْدِ ذَٰلِكَ وَأَصْلَحُواْ فَإِنَّ ٱللَّهَ غَفُورٌ رَّحِيمٌ ﴿٥﴾ وَٱلَّذِينَ يَرْمُونَ أَزْوَٰجَهُمْ وَلَمْ يَكُن لَّهُمْ شُهَدَآءُ إِلَّآ أَنفُسُهُمْ فَشَهَٰدَةُ أَحَدِهِمْ أَرْبَعُ شَهَٰدَٰتٍۭ بِٱللَّهِۙ إِنَّهُۥ لَمِنَ ٱلصَّٰدِقِينَ ﴿٦﴾ وَٱلْخَٰمِسَةُ أَنَّ لَعْنَتَ ٱللَّهِ عَلَيْهِ إِن كَانَ مِنَ ٱلْكَٰذِبِينَ ﴿٧﴾ وَيَدْرَؤُاْ عَنْهَا ٱلْعَذَابَ أَن تَشْهَدَ أَرْبَعَ شَهَٰدَٰتٍۭ بِٱللَّهِۙ إِنَّهُۥ لَمِنَ ٱلْكَٰذِبِينَ ﴿٨﴾ وَٱلْخَٰمِسَةَ أَنَّ غَضَبَ ٱللَّهِ عَلَيْهَآ إِن كَانَ مِنَ ٱلصَّٰدِقِينَ ﴿٩﴾ وَلَوْلَا فَضْلُ ٱللَّهِ عَلَيْكُمْ وَرَحْمَتُهُۥ وَأَنَّ ٱللَّهَ تَوَّابٌ حَكِيمٌ ﴿١٠﴾ إِنَّ ٱلَّذِينَ جَآءُو بِٱلْإِفْكِ عُصْبَةٌ مِّنكُمْۚ لَا تَحْسَبُوهُ شَرًّا لَّكُمۖ بَلْ هُوَ خَيْرٌ لَّكُمْۚ لِكُلِّ ٱمْرِئٍ مِّنْهُم مَّا ٱكْتَسَبَ مِنَ ٱلْإِثْمِۚ وَٱلَّذِى تَوَلَّىٰ كِبْرَهُۥ مِنْهُمْ لَهُۥ عَذَابٌ عَظِيمٌ ﴿١١﴾ لَّوْلَآ إِذْ سَمِعْتُمُوهُ ظَنَّ ٱلْمُؤْمِنُونَ وَٱلْمُؤْمِنَٰتُ بِأَنفُسِهِمْ خَيْرًا وَقَالُواْ هَٰذَآ إِفْكٌ مُّبِينٌ ﴿١٢﴾ لَّوْلَا جَآءُو عَلَيْهِ بِأَرْبَعَةِ شُهَدَآءَۚ فَإِذْ لَمْ يَأْتُواْ بِٱلشُّهَدَآءِ فَأُوْلَٰٓئِكَ عِندَ ٱللَّهِ هُمُ ٱلْكَٰذِبُونَ ﴿١٣﴾ وَلَوْلَا فَضْلُ ٱللَّهِ عَلَيْكُمْ وَرَحْمَتُهُۥ فِى ٱلدُّنْيَا وَٱلْءَاخِرَةِ لَمَسَّكُمْ فِى مَآ أَفَضْتُمْ فِيهِ عَذَابٌ عَظِيمٌ ﴿١٤﴾ إِذْ تَلَقَّوْنَهُۥ بِأَلْسِنَتِكُمْ وَتَقُولُونَ بِأَفْوَاهِكُم مَّا لَيْسَ لَكُم بِهِۦ عِلْمٌ وَتَحْسَبُونَهُۥ هَيِّنًا وَهُوَ عِندَ ٱللَّهِ عَظِيمٌ ﴿١٥﴾ وَلَوْلَآ إِذْ سَمِعْتُمُوهُ قُلْتُم مَّا يَكُونُ لَنَآ أَن نَّتَكَلَّمَ بِهَٰذَا سُبْحَٰنَكَ هَٰذَا بُهْتَٰنٌ عَظِيمٌ ﴿١٦﴾ يَعِظُكُمُ ٱللَّهُ أَن تَعُودُواْ لِمِثْلِهِۦٓ أَبَدًا إِن كُنتُم مُّؤْمِنِينَ ﴿١٧﴾ وَيُبَيِّنُ ٱللَّهُ لَكُمُ ٱلْءَايَٰتِۚ وَٱللَّهُ عَلِيمٌ حَكِيمٌ ﴿١٨﴾ إِنَّ ٱلَّذِينَ يُحِبُّونَ أَن تَشِيعَ ٱلْفَٰحِشَةُ فِى ٱلَّذِينَ ءَامَنُواْ لَهُمْ عَذَابٌ أَلِيمٌ فِى ٱلدُّنْيَا وَٱلْءَاخِرَةِۚ وَٱللَّهُ يَعْلَمُ وَأَنتُمْ لَا تَعْلَمُونَ ﴿١٩﴾ وَلَوْلَا فَضْلُ ٱللَّهِ عَلَيْكُمْ وَرَحْمَتُهُۥ وَأَنَّ ٱللَّهَ رَءُوفٌ رَّحِيمٌ ﴿٢٠﴾ يَٰٓأَيُّهَا ٱلَّذِينَ ءَامَنُواْ لَا تَتَّبِعُواْ خُطُوَٰتِ ٱلشَّيْطَٰنِۚ وَمَن يَتَّبِعْ خُطُوَٰتِ ٱلشَّيْطَٰنِ فَإِنَّهُۥ يَأْمُرُ بِٱلْفَحْشَآءِ وَٱلْمُنكَرِۚ وَلَوْلَا فَضْلُ ٱللَّهِ عَلَيْكُمْ وَرَحْمَتُهُۥ مَا زَكَىٰ مِنكُم مِّنْ أَحَدٍ أَبَدًا وَلَٰكِنَّ ٱللَّهَ يُزَكِّى مَن يَشَآءُۗ وَٱللَّهُ سَمِيعٌ عَلِيمٌ ﴿٢١﴾ وَلَا يَأْتَلِ أُوْلُواْ ٱلْفَضْلِ مِنكُمْ وَٱلسَّعَةِ أَن يُؤْتُوٓاْ أُوْلِى ٱلْقُرْبَىٰ وَٱلْمَسَٰكِينَ وَٱلْمُهَٰجِرِينَ فِى سَبِيلِ ٱللَّهِۖ وَلْيَعْفُواْ وَلْيَصْفَحُوٓاْۗ أَلَا تُحِبُّونَ أَن يَغْفِرَ ٱللَّهُ لَكُمْۗ وَٱللَّهُ غَفُورٌ رَّحِيمٌ ﴿٢٢﴾ إِنَّ ٱلَّذِينَ يَرْمُونَ ٱلْمُحْصَنَٰتِ ٱلْغَٰفِلَٰتِ ٱلْمُؤْمِنَٰتِ لُعِنُواْ فِى ٱلدُّنْيَا وَٱلْءَاخِرَةِ وَلَهُمْ عَذَابٌ عَظِيمٌ ﴿٢٣﴾ يَوْمَ تَشْهَدُ عَلَيْهِمْ أَلْسِنَتُهُمْ وَأَيْدِيهِمْ وَأَرْجُلُهُم بِمَا كَانُواْ يَعْمَلُونَ ﴿٢٤﴾ يَوْمَئِذٍ يُوَفِّيهِمُ ٱللَّهُ دِينَهُمُ ٱلْحَقَّ وَيَعْلَمُونَ أَنَّ ٱللَّهَ هُوَ ٱلْحَقُّ ٱلْمُبِينُ ﴿٢٥﴾ ٱلْخَبِيثَٰتُ لِلْخَبِيثِينَ وَٱلْخَبِيثُونَ لِلْخَبِيثَٰتِۖ وَٱلطَّيِّبَٰتُ لِلطَّيِّبِينَ وَٱلطَّيِّبُونَ لِلطَّيِّبَٰتِۚ أُوْلَٰٓئِكَ مُبَرَّءُونَ مِمَّا يَقُولُونَۖ لَهُم مَّغْفِرَةٌ وَرِزْقٌ كَرِيمٌ ﴿٢٦﴾ يَٰٓأَيُّهَا ٱلَّذِينَ ءَامَنُواْ لَا تَدْخُلُواْ بُيُوتًا غَيْرَ بُيُوتِكُمْ حَتَّىٰ تَسْتَأْنِسُواْ وَتُسَلِّمُواْ عَلَىٰٓ أَهْلِهَاۚ ذَٰلِكُمْ خَيْرٌ لَّكُمْ لَعَلَّكُمْ تَذَكَّرُونَ ﴿٢٧﴾ فَإِن لَّمْ تَجِدُواْ فِيهَآ أَحَدًا فَلَا تَدْخُلُوهَا حَتَّىٰ يُؤْذَنَ لَكُمْۖ وَإِن قِيلَ لَكُمُ ٱرْجِعُواْ فَٱرْجِعُواْۖ هُوَ أَزْكَىٰ لَكُمْۚ وَٱللَّهُ بِمَا تَعْمَلُونَ عَلِيمٌ ﴿٢٨﴾ لَّيْسَ عَلَيْكُمْ جُنَاحٌ أَن تَدْخُلُواْ بُيُوتًا غَيْرَ مَسْكُونَةٍ فِيهَا مَتَٰعٌ لَّكُمْۚ وَٱللَّهُ يَعْلَمُ مَا تُبْدُونَ وَمَا تَكْتُمُونَ ﴿٢٩﴾ قُل لِّلْمُؤْمِنِينَ يَغُضُّواْ مِنْ أَبْصَٰرِهِمْ وَيَحْفَظُواْ فُرُوجَهُمْۚ ذَٰلِكَ أَزْكَىٰ لَهُمْۗ إِنَّ ٱللَّهَ خَبِيرٌۢ بِمَا يَصْنَعُونَ ﴿٣٠﴾ وَقُل لِّلْمُؤْمِنَٰتِ يَغْضُضْنَ مِنْ أَبْصَٰرِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَاۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ ءَابَآئِهِنَّ أَوْ ءَابَآءِ بُعُولَتِهِنَّ أَوْ أَبْنَآئِهِنَّ أَوْ أَبْنَآءِ بُعُولَتِهِنَّ أَوْ إِخْوَٰنِهِنَّ أَوْ بَنِىٓ إِخْوَٰنِهِنَّ أَوْ بَنِىٓ أَخَوَٰتِهِنَّ أَوْ نِسَآئِهِنَّ أَوْ مَا مَلَكَتْ أَيْمَٰنُهُنَّ أَوِ ٱلتَّٰبِعِينَ غَيْرِ أُوْلِى ٱلْإِرْبَةِ مِنَ ٱلرِّجَالِ أَوِ ٱلطِّفْلِ ٱلَّذِينَ لَمْ يَظْهَرُواْ عَلَىٰ عَوْرَٰتِ ٱلنِّسَآءِۖ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّۚ وَتُوبُوٓاْ إِلَى ٱللَّهِ جَمِيعًا أَيُّهَ ٱلْمُؤْمِنُونَ لَعَلَّكُمْ تُفْلِحُونَ ﴿٣١﴾ وَأَنكِحُواْ ٱلْأَيَٰمَىٰ مِنكُمْ وَٱلصَّٰلِحِينَ مِنْ عِبَادِكُمْ وَإِمَآئِكُمْۚ إِن يَكُونُواْ فُقَرَآءَ يُغْنِهِمُ ٱللَّهُ مِن فَضْلِهِۦۗ وَٱللَّهُ وَٰسِعٌ عَلِيمٌ ﴿٣٢﴾ وَلْيَسْتَعْفِفِ ٱلَّذِينَ لَا يَجِدُونَ نِكَاحًا حَتَّىٰ يُغْنِيَهُمُ ٱللَّهُ مِن فَضْلِهِۦۗ وَٱلَّذِينَ يَبْتَغُونَ ٱلْكِتَٰبَ مِمَّا مَلَكَتْ أَيْمَٰنُكُمْ فَكَاتِبُوهُمْ إِنْ عَلِمْتُمْ فِيهِمْ خَيْرًاۖ وَءَاتُوهُم مِّن مَّالِ ٱللَّهِ ٱلَّذِىٓ ءَاتَىٰكُمْۚ وَلَا تُكْرِهُواْ فَتَيَٰتِكُمْ عَلَى ٱلْبِغَآءِ إِنْ أَرَدْنَ تَحَصُّنًا لِّتَبْتَغُواْ عَرَضَ ٱلْحَيَوٰةِ ٱلدُّنْيَاۚ وَمَن يُكْرِههُّنَّ فَإِنَّ ٱللَّهَ مِنۢ بَعْدِ إِكْرَٰهِهِنَّ غَفُورٌ رَّحِيمٌ ﴿٣٣﴾ وَلَقَدْ أَنزَلْنَآ إِلَيْكُمْ ءَايَٰتٍ مُّبَيِّنَٰتٍ وَمَثَلًا مِّنَ ٱلَّذِينَ خَلَوْاْ مِن قَبْلِكُمْ وَمَوْعِظَةً لِّلْمُتَّقِينَ ﴿٣٤﴾ ٱللَّهُ نُورُ ٱلسَّمَٰوَٰتِ وَٱلْأَرْضِۚ مَثَلُ نُورِهِۦ كَمِشْكَوٰةٍ فِيهَا مِصْبَاحٌۖ ٱلْمِصْبَاحُ فِى زُجَاجَةٍۖ ٱلزُّجَاجَةُ كَأَنَّهَا كَوْكَبٌ دُرِّىٌّ يُوقَدُ مِن شَجَرَةٍ مُّبَٰرَكَةٍ زَيْتُونَةٍ لَّا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضِىٓءُ وَلَوْ لَمْ تَمْسَسْهُ نَارٌۚ نُّورٌ عَلَىٰ نُورٍۗ يَهْدِى ٱللَّهُ لِنُورِهِۦ مَن يَشَآءُۚ وَيَضْرِبُ ٱللَّهُ ٱلْأَمْثَٰلَ لِلنَّاسِۗ وَٱللَّهُ بِكُلِّ شَىْءٍ عَلِيمٌ ﴿٣٥﴾ فِى بُيُوتٍ أَذِنَ ٱللَّهُ أَن تُرْفَعَ وَيُذْكَرَ فِيهَا ٱسْمُهُۥ يُسَبِّحُ لَهُۥ فِيهَا بِٱلْغُدُوِّ وَٱلْءَاصَالِ ﴿٣٦﴾ رِجَالٌ لَّا تُلْهِيهِمْ تِجَٰرَةٌ وَلَا بَيْعٌ عَن ذِكْرِ ٱللَّهِ وَإِقَامِ ٱلصَّلَوٰةِ وَإِيتَآءِ ٱلزَّكَوٰةِۙ يَخَافُونَ يَوْمًا تَتَقَلَّبُ فِيهِ ٱلْقُلُوبُ وَٱلْأَبْصَٰرُ ﴿٣٧﴾ لِيَجْزِيَهُمُ ٱللَّهُ أَحْسَنَ مَا عَمِلُواْ وَيَزِيدَهُم مِّن فَضْلِهِۦۗ وَٱللَّهُ يَرْزُقُ مَن يَشَآءُ بِغَيْرِ حِسَابٍ ﴿٣٨﴾ وَٱلَّذِينَ كَفَرُوٓاْ أَعْمَٰلُهُمْ كَسَرَابٍۭ بِقِيعَةٍ يَحْسَبُهُ ٱلظَّمْـَٔانُ مَآءً حَتَّىٰٓ إِذَا جَآءَهُۥ لَمْ يَجِدْهُ شَيْـًٔا وَوَجَدَ ٱللَّهَ عِندَهُۥ فَوَفَّىٰهُ حِسَابَهُۥۗ وَٱللَّهُ سَرِيعُ ٱلْحِسَابِ ﴿٣٩﴾ أَوْ كَظُلُمَٰتٍ فِى بَحْرٍ لُّجِّىٍّ يَغْشَىٰهُ مَوْجٌ مِّن فَوْقِهِۦ مَوْجٌ مِّن فَوْقِهِۦ سَحَابٌۚ ظُلُمَٰتٌۢ بَعْضُهَا فَوْقَ بَعْضٍ إِذَآ أَخْرَجَ يَدَهُۥ لَمْ يَكَدْ يَرَىٰهَاۗ وَمَن لَّمْ يَجْعَلِ ٱللَّهُ لَهُۥ نُورًا فَمَا لَهُۥ مِن نُّورٍ ﴿٤٠﴾ أَلَمْ تَرَ أَنَّ ٱللَّهَ يُسَبِّحُ لَهُۥ مَن فِى ٱلسَّمَٰوَٰتِ وَٱلْأَرْضِ وَٱلطَّيْرُ صَٰٓفَّٰتٍۖ كُلٌّ قَدْ عَلِمَ صَلَاتَهُۥ وَتَسْبِيحَهُۥۗ وَٱللَّهُ عَلِيمٌۢ بِمَا يَفْعَلُونَ ﴿٤١﴾ وَلِلَّهِ مُلْكُ ٱلسَّمَٰوَٰتِ وَٱلْأَرْضِۖ وَإِلَى ٱللَّهِ ٱلْمَصِيرُ ﴿٤٢﴾ أَلَمْ تَرَ أَنَّ ٱللَّهَ يُزْجِى سَحَابًا ثُمَّ يُؤَلِّفُ بَيْنَهُۥ ثُمَّ يَجْعَلُهُۥ رُكَامًا فَتَرَى ٱلْوَدْقَ يَخْرُجُ مِنْ خِلَٰلِهِۦ وَيُنَزِّلُ مِنَ ٱلسَّمَآءِ مِن جِبَالٍ فِيهَا مِنۢ بَرَدٍ فَيُصِيبُ بِهِۦ مَن يَشَآءُ وَيَصْرِفُهُۥ عَن مَّن يَشَآءُۖ يَكَادُ سَنَا بَرْقِهِۦ يَذْهَبُ بِٱلْأَبْصَٰرِ ﴿٤٣﴾ يُقَلِّبُ ٱللَّهُ ٱلَّيْلَ وَٱلنَّهَارَۚ إِنَّ فِى ذَٰلِكَ لَعِبْرَةً لِّأُوْلِى ٱلْأَبْصَٰرِ ﴿٤٤﴾ وَٱللَّهُ خَلَقَ كُلَّ دَآبَّةٍ مِّن مَّآءٍۖ فَمِنْهُم مَّن يَمْشِى عَلَىٰ بَطْنِهِۦ وَمِنْهُم مَّن يَمْشِى عَلَىٰ رِجْلَيْنِ وَمِنْهُم مَّن يَمْشِى عَلَىٰٓ أَرْبَعٍۚ يَخْلُقُ ٱللَّهُ مَا يَشَآءُۚ إِنَّ ٱللَّهَ عَلَىٰ كُلِّ شَىْءٍ قَدِيرٌ ﴿٤٥﴾ لَّقَدْ أَنزَلْنَآ ءَايَٰتٍ مُّبَيِّنَٰتٍۚ وَٱللَّهُ يَهْدِى مَن يَشَآءُ إِلَىٰ صِرَٰطٍ مُّسْتَقِيمٍ ﴿٤٦﴾ وَيَقُولُونَ ءَامَنَّا بِٱللَّهِ وَبِٱلرَّسُولِ وَأَطَعْنَا ثُمَّ يَتَوَلَّىٰ فَرِيقٌ مِّنْهُم مِّنۢ بَعْدِ ذَٰلِكَۚ وَمَآ أُوْلَٰٓئِكَ بِٱلْمُؤْمِنِينَ ﴿٤٧﴾ وَإِذَا دُعُوٓاْ إِلَى ٱللَّهِ وَرَسُولِهِۦ لِيَحْكُمَ بَيْنَهُمْ إِذَا فَرِيقٌ مِّنْهُم مُّعْرِضُونَ ﴿٤٨﴾ وَإِن يَكُن لَّهُمُ ٱلْحَقُّ يَأْتُوٓاْ إِلَيْهِ مُذْعِنِينَ ﴿٤٩﴾ أَفِى قُلُوبِهِم مَّرَضٌ أَمِ ٱرْتَابُوٓاْ أَمْ يَخَافُونَ أَن يَحِيفَ ٱللَّهُ عَلَيْهِمْ وَرَسُولُهُۥۚ بَلْ أُوْلَٰٓئِكَ هُمُ ٱلظَّٰلِمُونَ ﴿٥٠﴾ إِنَّمَا كَانَ قَوْلَ ٱلْمُؤْمِنِينَ إِذَا دُعُوٓاْ إِلَى ٱللَّهِ وَرَسُولِهِۦ لِيَحْكُمَ بَيْنَهُمْ أَن يَقُولُواْ سَمِعْنَا وَأَطَعْنَاۚ وَأُوْلَٰٓئِكَ هُمُ ٱلْمُفْلِحُونَ ﴿٥١﴾ وَمَن يُطِعِ ٱللَّهَ وَرَسُولَهُۥ وَيَخْشَ ٱللَّهَ وَيَتَّقْهِ فَأُوْلَٰٓئِكَ هُمُ ٱلْفَآئِزُونَ ﴿٥٢﴾ وَأَقْسَمُواْ بِٱللَّهِ جَهْدَ أَيْمَٰنِهِمْ لَئِنْ أَمَرْتَهُمْ لَيَخْرُجُنَّۖ قُل لَّا تُقْسِمُواْۖ طَاعَةٌ مَّعْرُوفَةٌۚ إِنَّ ٱللَّهَ خَبِيرٌۢ بِمَا تَعْمَلُونَ ﴿٥٣﴾ قُلْ أَطِيعُواْ ٱللَّهَ وَأَطِيعُواْ ٱلرَّسُولَۖ فَإِن تَوَلَّوْاْ فَإِنَّمَا عَلَيْهِ مَا حُمِّلَ وَعَلَيْكُم مَّا حُمِّلْتُمْۖ وَإِن تُطِيعُوهُ تَهْتَدُواْۚ وَمَا عَلَى ٱلرَّسُولِ إِلَّا ٱلْبَلَٰغُ ٱلْمُبِينُ ﴿٥٤﴾ وَعَدَ ٱللَّهُ ٱلَّذِينَ ءَامَنُواْ مِنكُمْ وَعَمِلُواْ ٱلصَّٰلِحَٰتِ لَيَسْتَخْلِفَنَّهُمْ فِى ٱلْأَرْضِ كَمَا ٱسْتَخْلَفَ ٱلَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ ٱلَّذِى ٱرْتَضَىٰ لَهُمْ وَلَيُبَدِّلَنَّهُم مِّنۢ بَعْدِ خَوْفِهِمْ أَمْنًاۚ يَعْبُدُونَنِى لَا يُشْرِكُونَ بِى شَيْـًٔاۚ وَمَن كَفَرَ بَعْدَ ذَٰلِكَ فَأُوْلَٰٓئِكَ هُمُ ٱلْفَٰسِقُونَ ﴿٥٥﴾ وَأَقِيمُواْ ٱلصَّلَوٰةَ وَءَاتُواْ ٱلزَّكَوٰةَ وَأَطِيعُواْ ٱلرَّسُولَ لَعَلَّكُمْ تُرْحَمُونَ ﴿٥٦﴾ لَا تَحْسَبَنَّ ٱلَّذِينَ كَفَرُواْ مُعْجِزِينَ فِى ٱلْأَرْضِۚ وَمَأْوَىٰهُمُ ٱلنَّارُۖ وَلَبِئْسَ ٱلْمَصِيرُ ﴿٥٧﴾ يَٰٓأَيُّهَا ٱلَّذِينَ ءَامَنُواْ لِيَسْتَـْٔذِنكُمُ ٱلَّذِينَ مَلَكَتْ أَيْمَٰنُكُمْ وَٱلَّذِينَ لَمْ يَبْلُغُواْ ٱلْحُلُمَ مِنكُمْ ثَلَٰثَ مَرَّٰتٍۚ مِّن قَبْلِ صَلَوٰةِ ٱلْفَجْرِ وَحِينَ تَضَعُونَ ثِيَابَكُم مِّنَ ٱلظَّهِيرَةِ وَمِنۢ بَعْدِ صَلَوٰةِ ٱلْعِشَآءِۚ ثَلَٰثُ عَوْرَٰتٍ لَّكُمْۚ لَيْسَ عَلَيْكُمْ وَلَا عَلَيْهِمْ جُنَاحٌۢ بَعْدَهُنَّۚ طَوَّٰفُونَ عَلَيْكُم بَعْضُكُمْ عَلَىٰ بَعْضٍۚ كَذَٰلِكَ يُبَيِّنُ ٱللَّهُ لَكُمُ ٱلْءَايَٰتِۗ وَٱللَّهُ عَلِيمٌ حَكِيمٌ ﴿٥٨﴾ وَإِذَا بَلَغَ ٱلْأَطْفَٰلُ مِنكُمُ ٱلْحُلُمَ فَلْيَسْتَـْٔذِنُواْ كَمَا ٱسْتَـْٔذَنَ ٱلَّذِينَ مِن قَبْلِهِمْۚ كَذَٰلِكَ يُبَيِّنُ ٱللَّهُ لَكُمْ ءَايَٰتِهِۦۗ وَٱللَّهُ عَلِيمٌ حَكِيمٌ ﴿٥٩﴾ وَٱلْقَوَٰعِدُ مِنَ ٱلنِّسَآءِ ٱلَّٰتِى لَا يَرْجُونَ نِكَاحًا فَلَيْسَ عَلَيْهِنَّ جُنَاحٌ أَن يَضَعْنَ ثِيَابَهُنَّ غَيْرَ مُتَبَرِّجَٰتٍۭ بِزِينَةٍۖ وَأَن يَسْتَعْفِفْنَ خَيْرٌ لَّهُنَّۗ وَٱللَّهُ سَمِيعٌ عَلِيمٌ ﴿٦٠﴾ لَّيْسَ عَلَى ٱلْأَعْمَىٰ حَرَجٌ وَلَا عَلَى ٱلْأَعْرَجِ حَرَجٌ وَلَا عَلَى ٱلْمَرِيضِ حَرَجٌ وَلَا عَلَىٰٓ أَنفُسِكُمْ أَن تَأْكُلُواْ مِنۢ بُيُوتِكُمْ أَوْ بُيُوتِ ءَابَآئِكُمْ أَوْ بُيُوتِ أُمَّهَٰتِكُمْ أَوْ بُيُوتِ إِخْوَٰنِكُمْ أَوْ بُيُوتِ أَخَوَٰتِكُمْ أَوْ بُيُوتِ أَعْمَٰمِكُمْ أَوْ بُيُوتِ عَمَّٰتِكُمْ أَوْ بُيُوتِ أَخْوَٰلِكُمْ أَوْ بُيُوتِ خَٰلَٰتِكُمْ أَوْ مَا مَلَكْتُم مَّفَاتِحَهُۥٓ أَوْ صَدِيقِكُمْۚ لَيْسَ عَلَيْكُمْ جُنَاحٌ أَن تَأْكُلُواْ جَمِيعًا أَوْ أَشْتَاتًاۚ فَإِذَا دَخَلْتُم بُيُوتًا فَسَلِّمُواْ عَلَىٰٓ أَنفُسِكُمْ تَحِيَّةً مِّنْ عِندِ ٱللَّهِ مُبَٰرَكَةً طَيِّبَةًۚ كَذَٰلِكَ يُبَيِّنُ ٱللَّهُ لَكُمُ ٱلْءَايَٰتِ لَعَلَّكُمْ تَعْقِلُونَ ﴿٦١﴾ إِنَّمَا ٱلْمُؤْمِنُونَ ٱلَّذِينَ ءَامَنُواْ بِٱللَّهِ وَرَسُولِهِۦ وَإِذَا كَانُواْ مَعَهُۥ عَلَىٰٓ أَمْرٍ جَامِعٍ لَّمْ يَذْهَبُواْ حَتَّىٰ يَسْتَـْٔذِنُوهُۚ إِنَّ ٱلَّذِينَ يَسْتَـْٔذِنُونَكَ أُوْلَٰٓئِكَ ٱلَّذِينَ يُؤْمِنُونَ بِٱللَّهِ وَرَسُولِهِۦۚ فَإِذَا ٱسْتَـْٔذَنُوكَ لِبَعْضِ شَأْنِهِمْ فَأْذَن لِّمَن شِئْتَ مِنْهُمْ وَٱسْتَغْفِرْ لَهُمُ ٱللَّهَۚ إِنَّ ٱللَّهَ غَفُورٌ رَّحِيمٌ ﴿٦٢﴾ لَّا تَجْعَلُواْ دُعَآءَ ٱلرَّسُولِ بَيْنَكُمْ كَدُعَآءِ بَعْضِكُم بَعْضًاۚ قَدْ يَعْلَمُ ٱللَّهُ ٱلَّذِينَ يَتَسَلَّلُونَ مِنكُمْ لِوَاذًاۚ فَلْيَحْذَرِ ٱلَّذِينَ يُخَالِفُونَ عَنْ أَمْرِهِۦٓ أَن تُصِيبَهُمْ فِتْنَةٌ أَوْ يُصِيبَهُمْ عَذَابٌ أَلِيمٌ ﴿٦٣﴾ أَلَآ إِنَّ لِلَّهِ مَا فِى ٱلسَّمَٰوَٰتِ وَٱلْأَرْضِۖ قَدْ يَعْلَمُ مَآ أَنتُمْ عَلَيْهِ وَيَوْمَ يُرْجَعُونَ إِلَيْهِ فَيُنَبِّئُهُم بِمَا عَمِلُواْۗ وَٱللَّهُ بِكُلِّ شَىْءٍ عَلِيمٌۢ ﴿٦٤﴾ [سُورَةُ النُّورِ :: ١-٦٤]
Rahman we Rahym bolan Allahyñ ady bilen
1. Bu, biziň indirenimiz we (hökümlerini) parz kylanymyz bir süredir. Pikir edip oýlanyp öwüt-nesihat almagyňyz üçin onda aç-açan aýatlar indirdik. 2. Zina eden zenan we zina eden erkekden her birisine ýüz çybykdan uruň. Allaha we ahyrýet gününe ynanýan bolsaňyz, Allahyň dini (niň goýan hökmüni ýerine ýetirmek) meselesinde olara rähimiňiz inmesin. Möminlerden bir toplumy hem olaryň jezalandyrylmagyna şaýat bolsun! 3. Zina eden erkek diňe zina eden ýa-da Allaha şärik goşan bir zenan bilen öýlenip biler. Zina eden bir zenan diňe zina eden ýa-da Allaha şärik goşan bir erkege durmuşa çykar. Bu möminlere haram kylynandyr. 4. Ar-namysly zenanlara zina töhmedi edip soňam dört sany şaýat görkezmeýänlere segsen çybyk uruň! Artyk olaryň şaýatlygyny aslada kabul etmäň! Ynha şular fasyk ynsanlardyr. 5. Diňe toba edip mundan arassalananlar bolsa onda başgadyr. Sebäbi Allah, köp bagyşlaýandyr we köp rehimdarlyk edendir. 6.7. Aýallaryna zyna töhmedi edip, özlerinden başga şaýatlaram ýok bolanlara, olaryň her birisiniň şaýatlygy: özüniň dogry aýtýanlardandygy barada Allahyň adyna dört gezek and içip şaýat bolmagy, bäşinji gezekde bolsa eger-de ýalançylardan bolsa, Allahyň näletiniň öz üstüne bolmagyny aýtmagy bilen ýerine ýetirler. 8.9. Adamsynyň ýalançylardandygy barada Allahy dört gezek şaýat görkezmegi (Allahyň adyna and içmegi), bäşinji gezegem eger de adamsy dogry aýtýanlardan bolsa Allahyň gahar-gazabynyň öz üstüne bolmagyny dilemegi, aýal maşgala beriljek jezany aýyrar. 10. Allahyň size eçilmekligi we merhemedi bolmasady we Allah tobalary kabul eden, höküm we dana-paýhaslygyň eýesi bolmasady, ýagdaýyňyz nähili bolardy? 11. Ol agyr töhmedi toslanlar, siziň araňyzdan bir topardyr. Bu töhmedi özüňiz üçin erbet bir zatdyr öýtmäň! Gaýtam ol siziň üçin bir haýyrdyr. Olardan her birisi üçin eden günäleriniň jezasy bardyr. Şol tarapyň içinden (öňe düşenler) ol günäniň uly bir bölegini öz boýnuna alan (işlän) üçin bolsa gazaply bir azap bardyr. 12. Bu töhmedi eşiden wagtyňyz, iman eden erkek we zenanlar, özleri (din doganlary) hakynda gowy pikir bilen “Bu aç-açan bir töhmetdir” diýsediler. 13. Olar (töhmetçiler) bu diýenleri babatda dört şaýat getirsediler. Şaýadam getirip bilmediler, ynha şolar Allahyň ýanynda ýalançylaryň edil özleridir. 14. Eger-de size dünýä we ahyrýetde, Allahyň size eçilmekligi we merhemedi bolmasady, size içinde galan bu töhmediňiz zerarly hökman uly bir azap gelerdi. 15. Hany ol töhmedi dilden dile ýetirip, hakynda hiç bir maglumatyňyz bolmaýan zatlary agzyňyza alyp aýtýar we muny ähmiýetsiz bir işdir öýdýärdiňiz! Aslyýetinde bu, Allahyň gatynda uly bir günädir. 16. Bu töhmedi eşiden wagtyňyz, “Beýle sözleri agzymyza almak bize ýaraşmaz. Allahym! Seni kemçiliklerden daşda göreris, (saklarys) Bu gaty uly bir töhmetdir” diýsediňiz! 17. Eger-de ynanýan bolsaňyz, bular ýaly zatlara indi gaýdyp müdimilik dolanmazlygyňyz üçin Allah size öwüt-nesihat berýär. 18. Allah size aýatlary aýan edýär. Allah ähli zady hakykaty bilen bilendir, höküm we dana paỳhaslygyň eỳesidir. 19. Ynananlar arasynda bihaýalygyň ýaýramagyny arzuw eden ynsanlar bara, olar üçin dünýä we ahyrýetde gazaply bir azap bardyr. Allah biler, siz bilmersiňiz! 20. Allahyň size eçilmekligi we siziň üstüňize merhemedi bolmasady, Allahyň goramagy we köp rehimdarlygy bolmasady, ýagdaýyňyz nähili bolardy? 21. Eý iman edenler! Şeýtanyň yzyndan gitmäň! Kim şeýtana uýsa, bilsin ol bihaýalygy we ýamanlygy buýurar. Eger-de Allahyň size eçilmekligi we merhemedi bolmasady, sizden hiç biriňiz günälerinden asla saplanmazdy. Ýöne Allah, islän ynsanyny päkize kylar. Allah hakykaty bilen eşidendir, hakykaty bilen bilendir. 22. Araňyzdan barly we baýlygyň eýesi bolan ynsanlar, ýakynlaryna, garyp-gasarlara we Allahyň ýolunda hijret (göçenlere) edenlere ýardam bermejeklerine and içmesinler! Olar bagyşlanmak we päkize bolmak üçin, mundan ýüz öwrüp olara ýagşylyk etsinler! Allahyň sizi bagyşlamagyny arzuw etmermisiňiz? Allah köp bagyşlaýandyr we köp rehimdarlyk edendir. 23.24. Ar-namysly we (haklarynda toslanan ýamanlyklardan) bihabar mömin zenanlara zina ýöňkänler, hakykatdanam dünýä we ahyrýetde näletlenendirler. Eden günäleri sebäpli dilleriniň, elleriniň we aýaklarynyň özlerine garşy şaýatlyk etjek gününde, olara gaty gazaply bir azap bardyr. 25. Ol güni Allah olara kesgitlenen jezalaryny doly berjekdir we olaram Allahyň aç-açan bir hakykatdygyny bilerler. 26. Ýaman zenanlar, ýaman erkeklere: ýaman erkeklerem ýaman zenanlara: arassa zenanlar arassa erkeklere, arassa erkeklerem arassa zenanlara laýykdyr. Ol arassa bolanlar, töhmetçileriň aýdan zatlaryndan daşdyr. Olar üçin bagyşlanmak we bol elin berilen gowy bir rysgal bardyr. 27. Eý iman edenler! Öz öýleriňizden başga öýlere baranyňyzy duýdyrman (rugsat alman), öý eýelerine salam bermän girmäň! Beýle özüňizi alyp barmagyňyz siziň üçin hasam haýyrlydyr. Pikir edip, oýlanyp düşünersiňiz diýip size şeýle öwüt-nesihat berilýär. 28. Eger-de öýde hiç kimi tapmasaňyz, size rugsat berilýänçä şol ýere girmäň! Eger-de size, “Yzyňa dolanyň” diýilse derrew yza dolanyň. Sebäbi bu siziň üçin has gowy, özüňizi edepli alyp barmaklykdyr. Allah edenleriňizi hakykaty bilen bilendir. 29. Içinde size degişli bir zadyňyz bar bolsa, ýaşaýany bolmadyk öýlere girmegiňizde bir günä ýokdyr. Allah gizleýäniňizäm, açykdan edeniňizäm biler. 30. Mömin erkeklere aýt, gözlerini haramdan saklasynlar, ar-namyslaryny gorasynlar. Özlerini beýle alyp barmaklygy olar üçin has edep ahlakydyr. Şübhe ýokdyr, Allah olaryň edenlerinden hakykaty bilen habarlydyr. 31. Mömin zenanlara hem aýt, gözlerini haramdan saklasynlar, ar-namyslaryny gorasynlar. (Ýüzi we eli ýaly) görünen ýerlerinden başga, şaý-sep dakýan ýerlerini görkezmesinler. Ýalyklarynam ýakalarynyň üstüne çenli ýapsynlar. Şaý-seplerini, adamsyndan ýa-da kakasyndan, gaýyn atasyndan ýa-da ogullaryndan, ýa-da öweý ogullaryndan ýa-da erkek doganlaryndan ýa-da erkek doganlarynyň ogullaryndan ýa-da aýal doganlarynyň ogullaryndan, ýa-da musulman zenanlardan ýa-da gol astyndaky gullardan, ýa-da erkekligi galmadyk hyzmatkärlerden ýa-da heniz aýallaryň haram ýerlerini bilmeýän erkek çagalardan başgalaryna görkezmesinler. Ýapyk bolan şaý-seplerini bilsinler diýip aýaklaryny ýere urmasynlar. Eý möminler, hemmäňiz bilelikde toba ediňde halas bolarsyňyz! 32. Sizden sallahlary, gullaryňyzdan we gyrnaklaryňyzdan ýagdaýy gowy bolanlary öýlendiriň! Eger-de bular garyp-gasar bolsalar, Allah olary eçilmekligi bilen baýlaşdyrar. Allahyň eçilmekligi giň bolandyr, hakykaty bilen bilendir. 33. Öýlenmäge güýji ýetmeýänleri hem, Allah özlerine eçilmekligi bilen baýlyk berýänçä, ar-namyslaryny gorasynlar. Gol astyndaky hyzmatkär gullardan ylalaşyk etmek isleýänler bolsa, eger-de olarda bir haýyr boljagyny görseňiz olar bilen ylalaşyk ediň. Allahyň size beren malyndan (zatdan) olara-da beriň. Dünýä durmuşynyň wagtlaýyn bähbitlerini gazanmak üçin ar-namysly bolmak isleýän gyrnaklaryňyzy azgynlyga (jelepçilige) zorlamaň! Kim olary muňa mejbur etse şunam bilmelidir hiç şübhesiz olaryň mejbur edilmeginden soň Allah (olary) köp bagyşlaýandyr, köp rehimdarlyk edendir. 34. Kasam bolsun! Biz size açyklaýjy aýatlar, sizden ozalky gelip geçenlerden bir mysal we Allaha garşy gelmekden säginenler üçin bir öwüt-nesihat indirdik. 35. Allah gökleriň we ýeriň nurydyr. Onuň nurunyň tymsaly şudyr: Diwarda bir otag içinde bir çyra, çyra hem bir ýapyk çüýşäň içinde. Ýapyk çüýşe edil dür-däne ýaly parlaýan bir ýyldyz. Mübärek bir agaçdan, gündogarda we günbatarda bolmaýan zeýtun agajyndan tutaşdyrylar. Bu agajyň ýagy, ataş degmese-de dury ýaly aýdyňlykdyr. Nur üstüne nur. Allah islän ynsanyny nuruna ýetirer. Allah ynsanlar üçin mysallar berer. Allah her zady hakykaty bilen bilendir. 36.37. Allahyň mertebesiniň belende galdyrylmagyna we içlerinde adynyň ýatlanmagyna rugsat beren öýlerinde hiç bir söwdanyň we hiç bir alyş berişiň özlerine, Allahy ýatlamana, namazy kylmana, zekaty bermäne päsgel bolmaýan bir topar ynsanlar bu ýerlerde ertir agşam ony ýatlap tesbih ederler. Olar, kalplaryň we gözleriň gorkydan doňup galjak bir gününden gorkarlar. 38. Bularyň ählisi, (Allahyň) özlerine edenleriniň iň gowysy bilen sylaglandyrmagy üçin we eçilmekliginden olara hasam köprägini bersin diýip ederler. Allah islänine çäksiz rysgal berer. 39. Iňkär edenlere bolsa, olaryň amallary çola bir çöldäki hyýal ýalydyr. Suwsan ynsan ony suwdyr öýder. Ýanyna baranda hiç bir zat tapmaz. (edil şunuň ýaly kapyram hasap güni amallaryndan hiç zat tapmaz). Diňe Allahy ýanynda tapar we Allah onuň hasabatyny doly görer. Allah, hasabaty gaty çalt görendir. 40. Ýa-da (iňkärçileriň kapyrlyk içindäki ahwaly) çuňňur bir deňizdäki garaňkylyk ýalydyr. (birem deňiz) ony tolkun üstüne tolkun bolup ýapýar, üstünde-de bulutlar bar. Garaňkylyklar üstesine garaňkylyklar. Ynsan elini çykarsa, hat-da onam görmez. Kime Allah nur (aýdyňlyk) bermese, onuň üçin nur diýip bir zat ýokdyr. 41. Göklerde we ýer-ýüzünde bolan ynsanlar bilen, hatar-hatar (ganat kakyp uçan) guşlaryň Allahy ýatlap tesbih edenini görmezmiň? Her birisi doga-dilegini we tesbihini anyk bilýändir. Allah olaryň edýän zatlaryny hakykaty bilen bilendir. 42. Gökleriň we ýeriň hökmürowanlygy Allahyňdyr. Dolanyp baryljak ýerem diňe Allahadyr. 43. Göreňokmy Allah, bulutlary iberýär. Soňam, olary birikdirip üsti üstüne jemlär. Ahyrynda ýagyşyň olaryň arasyndan ýaganyny görersiň. Ol, gökden, şol ýerdäki dag (ýaly bulutlardan) lardan çabga ýagdyrar we ony islänine degdirer, islänindenem yzyna dolar. Bu bulutlaryň ýyldyrymynyň ýagtysy edil gözleri alaýjak ýalydyr. 44. Allah, gijäni we gündizi yzygiderli aýlap durýar. Şübhesiz munda giň düşünjeli, akly bolanlar üçin bir sapak bardyr. 45. Allah bütin janlylary suwdan ýaratdy. Ynha bulardan bir görnüşi garnynyň üstünde süýrener, kimi iki aýak üstünde ýörär, kimisi hem dört aýak üstünde ýörär. Allah islänini ýaradar. Sebäbi Allahyň her zada hakykaty bilen güýji ýetendir. 46. Kasam bolsun! Biz açyk aýan edýän aýatlar indirdik. Allah islän adamyny dogry ýola salar. 47. (Munafyklar), “Allaha we pygambere ynandyk we tabyn boldyk” diýerler. Soňra-da olaryň bir topary munuň yzyndan ýüz öwürerler. Aslyýetinde hem olar ynanan hem däldiler. 48. Aralarynda höküm bermek üçin Allaha (Gurhana) we pygambere çagyrylan wagty, birem görseň aralaryndan bir topary mundan ýüz dändirýändir. 49. Emma hakykat (berlen höküm) öz bähbitlerine bolsa, boýun egip oňa gelerler. 50. Kalplarynda bir keselimi bar, ýogsa-da şübhe we ikirjeňlenmedemi galdylar? Ýogsam-da Allah we Resulynyň özlerine garşy zalymlyk we haksyzlyk etmegindenmi gorkýarlar? Ýok, ynha olaryň özleri asyl zalymlardyr. 51. Aralarynda höküm bermek üçin Allaha we Gurhana we Resulyna çagyrlan wagty möminleriň aýtjak sözi diňe, “Eşitdik we iman etdik” diýmekleridir. Ynha şolar halas bolanlaryň edil özleridir. 52. Kim Allaha we Resulyna tabyn bolsa, Allahdan gorkup we oňa garşy gelmekden säginse, ynha olar üstünlik gazananlaryň edil özleridir. 53. Munafyklar, sen özlerine buýranyňda, hökman urşa gatnaşjaklary bilen baglanyşykly iň uly derejesi bilen Allahyň adyna and içdiler. Şeýle diý: “ And içmäň. Sizden islenen gowylyk bilen tabyn bolmagyňyzdyr. Şübhesiz Allah edenleriňizden hakykaty bilen habarlydyr.” 54. “Allaha tabyn boluň, pygambere-de tabyn boluň” diý. Eger-de mundan ýüz öwürseňiz, berk belläň oňa ýüklenen jogapkärçiligi diňe oňa mahsus: size ýüklenen wezipäniň jogapkärçiligäm diňe size degişlidir. Eger-de oňa tabyn bolsaňyz dogry ýola girersiňiz. Pygambere düşen diňe aç-açan bir duýdyrmakdyr. 55. Allah, araňyzdan, iman edip salyh amal işleýänlere, özlerinden ozal gelip geçenleri özygtyýarly kylyşy ýaly olary hem ýer-ýüzünde hökman özygtyýarly kyljagyny, olar üçin hoşal we razy bolan dinlerini gowyja ornaşdyrjagyny, başdan geçiren gorkylarynyň yzyndan hökman howpsyz asudalyga gowuşdyrjagy bilen baglanyşykly wada berendir. Olar maňa gulluk eder we maňa hiç bir zady şärik goşmazlar. Artyk mundan soňra kim iňkär etse, ynha şolar fasyklaryň edil özleridir. 56. Namazy takyk kylyň, zekaty beriň, Resulyna tabyn boluňda size merhemet edilsin. 57. Iňkär edenler (Allahy) ýer-ýüzünde ejiz goýarlar öýtme! Şolaryň barjak ýeri jähennemdir. Şol ýer nähili erbet baryljak ýerdir. 58. Eý iman edenler! Gol astyňyzda bolanlar (gullaryňyz) we sizden heniz ýetginjek ýaşyna ýetmedikler, günde üç gezek: ertir namazyndan ozal, öglän eşikleriňizi çykaran wagtyňyz we ýatsy namazyndan soňra (ýanyňyza girjek bolanlarynda) sizden rugsat sorasynlar. Bu üç wagt siziň çykarnyp geýinýän wagtlaryňyzdyr. Bu wagtlardan başga wagtlarda (birugsat girenlerinde) size-de, olara-da bir günä ýokdyr. Biri-biriňiziň ýanyna girip-çykyp bilersiňiz! Allah, aýatlaryny size ynha şeýdip aýan eder. Allah hakykaty bilen bilendir, höküm we dana- paỳhaslygyň eỳesidir. 59. Çagalaryňyz ýetginjek ýaşyna ýetenlerinde, özlerinden ozalkylaryň isleýişleri ýaly rugsat sorasynlar. Ynha Allah, aýatlaryny size şeýdip aýan eder. Allah hakykaty bilen bilendir, höküm we dana paỳhaslygyň eỳesidir. 60. Artyk durmuşa çykmak umydy galmadyk, aýbaşy we çaga dogmakdan galan garry aýallaryň (zynatlanmagyny) şaý-seplerini görkezmän daşyndaky eşiklerini çykaranlarynda özlerine bir günä ýokdyr. Ýöne ýene-de säginmeklik (saklanmak) olar üçin hasam haýyrlydyr. Allah hakykaty bilen eşidendir we hakykaty bilen bilendir. 61. Köre jebir ýokdyr, çolaga jebir ýokdyr, kesele-de jebir ýokdyr. Öz öýleriňizde ýa-da ata öýleriňizde ýa-da ejeleriňiziň öýlerinde ýa-da erkek doganlaryňyzyň öýünde ýa-da gyz doganyňyzyň öýlerinde ýa-da agalaryňyzyň öýlerinde ýa-da bibileriňiziň öýlerinde ýa-da daýylaryňyzyň öýlerinde ýa-da daýzalaryňyzyň öýlerinde ýa-da açarlaryna eýe bolan öýleriňizde ýa-da dostlaryňyzyň öýlerinde nahar iýeniňizde-de bir zyýany ýokdyr. Öýlere giren wagtyňyz biri-biriňize, Allah gatyndan mübärek we hoş bir saglyk amanlyk dilegi hökmünde salam beriň. Ynha Allah, düşünersiňiz diýip aýatlary size şeýle açyklar. 62. Möminler diňe Allaha we pygamberine ynanan, onuň bilen bilelikde toplumy gyzyklandyran bir iş edýärkä, ondan rugsat alman çykyp gitmeýänlerdir. Senden rugsat soraýanlar bolsa, ynha olar Allaha we Resulyna iman edenlerdir. Onda käbir işlerini etmek üçin senden rugsat sorasalar, aralaryndan isläniňä rugsat ber we Allahdan olar üçin bagyşlanmagyny dile. Şübhesiz Allah köp bagyşlaýandyr we köp rehimdarlyk edendir. 63. (Eý iman edenler!) Pygamberiň (sizi) çagyrmagyny araňyzda biri-biriňizi çagyrmagyňyz bilen deň tutmaň. Araňyzdan biri-birini gorag edinip gaçyp gidenleri Allah hakykatdanam biler. Artyk onuň buýrugyna garşy bolanlar, başlaryna bir belanyň gelmeginden ýa-da gazaply bir azaba sezewar bolmakdan goransynlar. 64. Biliň, şübhesiz göklerdäki ähli zat, ýerdäki ähli zat Allahyňdyr. Ol içindäki bolan ýagdaýyňyzy hakykatdanam biler. Allaha dolanyp bardyryljakdyklaryny we edenlerini Allahyň olara habar berjek günini ýatla! Allah, ähli zady hakykaty bilen bilendir.